నమ్మకాలు - నిజాలు

సోమవారం శివుడు, మంగళవారం దుర్గామాత, ఆంజనేయుడు, బుధవారం వినాయకుడు, గురువారం సాయిబాబా, శుక్రవారం అమ్మవారు, శనివారం వేంకటేశ్వరుడు. ఇలా మనం పూజలు చేస్తుంటాము. అందరికి ఏదో ఒక నమ్మకము ఉంటుంది. అలా చేస్తే వాళ్ళకు అన్ని శుభాలే జరుగుతాయని గట్టిగా నమ్ముతారు. పాటిస్తారు కూడా. అది వారి జాతక ప్రభావమో, యాద్రుచ్చికమో చాలా సార్లు అవి నిజమవుతాయి.

నా విషయంలోనూ ఇలాగే జరుగుతుంది. నేను దుర్గామాతను మనస్పూర్తిగా నమ్ముతాను. నేను ఏ పని చేసినా ముందు అమ్మ ఆశీర్వాదం తీసుకుని , ఆ పని నిర్విఘ్నంగా పూర్తి చేయడానికి తగిన ధైర్యాన్ని కోరతాను. ప్రతి మంగళవారం రాహుకాలంలో నిమ్మకాయ దీపాలు పెడతాను. ఎన్నో క్లిష్టమైన సమస్యలు తీరాయి కూడా . ముఖ్యంగా పిల్లల చదువుల విషయంలో. అలా అని అమ్మా నీదే భారం అని గాలిలో దీపం పెట్టను. కాని ఎప్పుడు నాకు సంబంధించిన శుభవార్తలు కాని, నాకు సంతోషం కలిగించే సమాచారం కాని మంగళవారం రోజే తెలుస్తుంది.

ఇలా మీకు కూడా జరుగుతుందా?????