Monday, November 30, 2009

రగిలే జ్వాలను ఎలా మళ్లిద్దాం? (డిసెంబర్ 2009 కంప్యూటర్ ఎరా ఎడిటోరియల్)

ఏదో సాధించాలన్న తపన మనసు లోతుల్లో జ్వలించకపోతే దేహం నిర్జీవమైపోతుంది. కాంక్ష మనసుకూ, శరీరానికీ జీవశక్తినిస్తుంది. కాంక్షే ఆవిరైపోతే అన్ని శక్తులూ హరించుకుపోతాయి. కొందరి కాంక్షలు సామాజికంగా ఉన్నత శిఖరాలను అధిరోహించడం చుట్టూ కేంద్రీకృతమై ఉంటాయి. మరికొందరివి ఆధ్యాత్మికత ఉన్నతి, కళారాధన చుట్టూ, ఇంకొందరివి ధన సంపాదన చుట్టూనూ పరిభ్రమిస్తుంటాయి. విలాసాలు, భోగాల పట్ల ఏర్పడే మోహం కొన్ని కాంక్షలను ప్రజ్వలింపజేస్తుంది. భుజించే ఆహారం శక్తినీ.. శక్తి కాంక్షనీ.. కాంక్ష అగ్నినీ రగిలించడం సహజ ప్రక్రియే. అయితే ఆ అగ్నిని ఏ దిశగా నిమగ్నం చేయాలన్నది మన ఇచ్ఛ పైనే ఆధారపడి ఉంటుంది. మనలోని శక్తికేంద్రం నుండి ఉద్భవించే శక్తిని ఏ పనులకై వినియోగిస్తున్నామన్న దాన్నిబట్టే 'ఈ క్షణం మనం' ఉన్నాం. ఎంసెట్‌ ర్యాంక్‌ తెచ్చుకోవాలనో, మంచి జాబ్‌లో సెటిల్‌ అవాలనో, ఆర్థికంగా, సామాజికంగా బాగా స్థిరపడాలనో, జగమెరిగే కళాకారుడిగా మిగిలిపోవాలనో, జీవితాన్ని అపురూపంగా చక్కబెట్టుకోవాలనో.. ఏదో లక్ష్యం నిరంతరం మనల్ని నడిపిస్తూనే ఉంటుంది. లక్ష్యం నిర్దేశించుకోవడం తెలియకపోతే లోపల ఊరకుండని అగ్ని.. కోరికలుగా పరివర్తన చెందుతుంది. ఆ అగ్నికుండే తత్వమే ఏదో ఒక దాన్ని జ్వలింపజేయడం! అది లక్ష్యం కావచ్చు, కోరిక కావచ్చు. దాన్ని లక్ష్యం వైపు మళ్లిస్తే 'భవిష్యత్‌' ఉన్నతంగా నిర్మితమవుతుంది.. ఆ నిర్మాణ క్రమంలో 'ప్రస్తుతం' కష్టం క్రింద నలిగిపోతుంది. అదే ఆ అగ్నిని కోరికల వైపు మళ్లిస్తే 'ప్రస్తుతం' మైమరచిపోయేలా ఉంటుంది. 'భవిష్యత్‌' అగమ్యగోచరమవుతుంది.



మనలో జ్వలించే యావత్‌శక్తినీ కేంద్రీకరిస్తే ఎంతటి క్లిష్టమైనదైనా ఇట్టే దాసోహమవుతుంది. అస్పష్టమైన ఆలోచనాసరళి, గమ్యమెరుగని ప్రయాణం మనలోని నిర్ణయాత్మక శక్తిని నిర్వీర్యం చేసి మన శక్తియుక్తులను సద్వినియోగం చేసుకోవడానికి వీల్లేకుండా ప్రతిబంధకమవుతాయి. ఆ ఊగిసలాటలో మనలోని అపరిమితమైన శక్తీ.. లక్ష్యం కన్పించక, అసంతృప్తితో మనవైపే వెనక్కి మళ్లింపబడుతుంది. మనం మన లోలోపల జరిగే ఆ తతంగం గ్రహించలేక పర్యవసానంగా తలెత్తే భావావేశాలను, అసంతృప్తులను మనల్ని మరింత కుంగదీసుకోవడానికి ఉపయోగిస్తుంటాం. మనలో ఏదైనా శూన్యత, అసంతృప్తి ఏర్పడితే దాన్ని వెంటనే గుర్తించి వీలైనంత త్వరగా చక్కని లక్ష్యాన్ని నిర్దేశించుకోకపోతే మానసికంగా వ్యాకులత ఆవరిస్తుంది. జ్వాల రగిలినంతకాలం దానికి లక్ష్యాలో, కోరికలో.. ఆ రెండూ లేకపోతే ఆలోచనలో ఆహుతి కావలసిందే. ఆ స్థాయిలన్నింటినీ అధిగమించి అదే జ్వాలతో మనసులో నిర్మలత్వాన్ని ప్రసరింపజేసుకోగలిగేలా స్థితప్రజ్ఞులం అవగలిగితే అంతకన్నా కావలసిందేదీ లేదు. ముఖ్యంగా గుడ్డిగా బతుకుబండిని నడిపించడం కాకుండా ఏదో ఒక క్షణం అంతర్ముఖులమై ఇటువంటి అంతరంగ సూక్ష్మాలను గ్రహించగలిగినా మెలమెల్లగానైనా మనల్ని ఔన్నత్యం వైపు కార్యోన్ముఖులను చేసుకోగలం!

మీ నల్లమోతు శ్రీధర్

Sunday, November 29, 2009

వంకాయల వసంతోత్సవం




వంకాయ వంటి కూరా, పంకజముఖి సీత వంటి భార్యామణి,,, గుత్తి వంకాయ కూరొండినానోయ్ బావ !,,, ఆహా ! ఏమి రుచి అంటూ తాజా కూరలలో రాజా ఎవరంటే వంకాయే అని ఎన్ని పాటలో. నవనవలాడే వంకాయను చూస్తే వెంటనే గుత్తి వంకాయ కూర కాని, అల్లం, కొత్తిమిర కారం పెట్టి కాని వండుకోవాలని అనిపించనిది ఎవరికీ చెప్పండి. ఇక ఇప్పుడు వేడి తగ్గి చలి పెరుగుతున్న కాలంలో ఎన్ని రకాల , తాజా వంకాయలో మార్కెట్లో? అందుకే వంకాయలతో వసంతోత్సవం జరుపుకుంటే పోలా అని షడ్రుచులు లో వచ్చే వారం వంకాయల ఉత్సవం మీకోసం..
ఇప్పటికే రెండు వంటకాలు ఉన్నాయి అవి చూస్తూ ఉండండి. సోమవారం నుండి మరిన్ని ..

గుత్తి వంకాయ కూర

వంకాయ కొత్తిమిర కారం



చంద్రగారు ఇది మీకోసమే.

Saturday, November 28, 2009

భూత , భవిష్యత్ , వర్తమాన కాలం..

అనుకోకుండా ఈ వారం కాలానికి సంబంధించిన రెండు సినిమాల చూడడం జరిగింది. ఒకటి అలనాటి వక్త్ హిందీ సినిమా, మరోటి 2012 అనే ఇంగ్లీష్ సినిమా. రెండింటి కథనాలు విభిన్నమైనవి కాని కాలానికి సంబంధించినవే. అందుకే ఈ రెండు సినిమాల గురించి సమీక్ష రాయడం జరిగింది.అందులో హిందీ సినిమా నాకు ఆల్ టైం ఫేవరేట్. కథ అయినా, పాటలైనా ఎన్ని సార్లు చూసినా తనివి తీరదు. మరచిపోలేనిది.. మీరేమంటారు మరి..

వక్త్

2012

Thursday, November 26, 2009

అమ్మకు పుట్టినరోజు శుభాకాంక్షలు





ఈ జీవన ప్రయాణంలో ఎంతోమందిని కలుస్తుంటాము. విడిపోతుంటాము. మన పుట్టుకతో వచ్చిన అనుబంధాలు, ఆప్యాయతలు మాత్రమే కాక ఎప్పుడో, ఎక్కడో కలిసిన కొందరు వ్యక్తులతో అలా సంబంధం ఏర్పడుతుంది. ఇందులో ఎటువంటి ఇచ్చిపుచ్చుకోవడాలు ఉండవు. ప్రేమానురాగాలు తప్ప. అలాగే అంతర్జాలానికి వచ్చిన కొద్దికాలంలో ఏర్పడిన కొన్ని అనుబంధాల గురించి తలుచుకుంటే ఆశ్చర్యమేస్తుంది. ఇక్కడ చాలామంది నన్ను అక్క అని ప్రేమగా, గౌరవంగా భావిస్తారు. కాని నన్ను తన మానస పుత్రికగా చేసుకున్నారు జ్ఞానప్రసూనగారు. సాధారణంగా ఎవరినైనా అక్క, అన్న, బాబాయి, పిన్ని, పెద్దమ్మ, చిన్నమ్మ అని సులువుగా అనేస్తుంటాము. కాని అమ్మ అని అనడం చాలా తక్కువ కదా. కాని జ్ఞానప్రసూనగారిని అమ్మ అనే పిలుస్తాను. ఆవిడ కూడ వాళ్ల చుట్టాలకు కూడా నా కూతురు అని పరిచయం చేసారు. ఇదెక్కడి అనుబంధం ? ఇలా కలిసింది అని అనుకుంటూ ఉంటాను. మరో విషయం . మాది బూరెల బంధం కూడానండోయ్. అదిగో అలా అసూయపడకండి. ఆవిడ ఎప్పుడు బూరెలు చేసినా ఫోన్ చేసి తీసికెళ్లరా! అంటారు. మొన్నైతే ఇంటికి పొట్లం కట్టి తీసుకొచ్చారు నాకోసం.. ఇంతకీ ఆవిడెవరో గుర్తుపట్టారా??
మనందరికీ తెలిసిన సురుచి బ్లాగర్ జ్ఞాన ప్రసూన గారే..

అమ్మకాని అమ్మ ఈ ఇంకొమ్మకు పుట్టినరోజు శుభాకాంక్షలు. జ్యోతి..

Tuesday, November 24, 2009

నీవేనా నను తలచినది...

నీవేనా నను తలచినది.. ఇది చదవగానే మాయాబజార్ లోకి వెళ్ళిపోయారా. నాకు తెలుసు.నేను ఆ పాట గురించి రాయబోతున్నానని అనుకుంటున్నారు కదా. అదేం కాదు. మాయాబజార్ లో పాటలన్నీ ఆణిముత్యాలే.

ఇపుడు నేను చెప్పబోయే విషయం ఏంటంటే.. ఓ మూడు నెలల క్రింద ఇదే శీర్షికతో ఒక కథ తానావారి సావనీరులో ప్రచురించబడింది. ఇప్పటికి అర్ధమైపోయిందనుకుంటా నేనేం చెప్పాలనుకుంటున్నానో. ఐతే ఏంటి? కొత్తపాళి గారు ఆయన బ్లాగులో ఈ కథ గురించి చెప్పారు. చదివేసాము కూడా అంటారా? నిజమే.. కాని ఇపుడు నేను చెప్పాలనుకున్నది ఆ కథ ఇంగ్లీషులోకి అనువదించబడింది అని. అది ఇక్కడ సి.పి.బ్రౌన్ సైట్ లో చూడొచ్చు. తెలుగు కథ కొత్తపాళి గారి బ్లాగులో చదవొచ్చు. విడి భాగాలుగా చదవడం ఇష్టం లేకుంటే ఇదిగో ఇలా చదవండి.

కొత్తపాళి గారు ఈ మధ్య చాలా బిజీగా ఉన్నట్టున్నారు. ఈ వారం కబుర్లు కూడా చెప్పలేదు. అందుకే వారి అనుమతి తీసుకుని నేనే చొరవ చేయాల్సి వచ్చింది.

Sunday, November 22, 2009

కలల రాజకుమారుడు - కృష్ణచైతన్య


బాల్యం వీడి యవ్వనంలో అడుగుపెట్టిన కన్నెపిల్లకు ఎన్నో ఊహలు, మరెన్నో ఊసులు. తనకంటూ ఒక అభిప్రాయం ఉండదు. ప్రతీది వింతగానే ఉంటుంది. ఆమెకంటూ ఒక కలల రాజకుమారుడు. ఆ రాజకుమారుడు ఎలా ఉండాలి? అనేది ప్రతీ అమ్మాయి ఆలోచనలు . ఆరడుగుల అందగాడు. ఆస్థిపరుడు. అతని ఆలోచనలు,మాటలు ప్రత్యేకంగానూ, మనస్సుకు హత్తుకునేలా ఉంటాయి. ఓహో.. ప్రతీ అబ్బాయి ఇలా ఉంటే ఎంత బాగుంటుంది?



అందమైన అమ్మాయి అంటే బాపు బొమ్మలా ఉండాలి, సర్వగుణ సంపన్నుడు (ఇందులోఅందం, డబ్బు, గుణం.. అన్నీ ఉంటాయి) అబ్బాయి అంటే యద్దనపూడి నవలానాయకుడిలా ఉండాలి అని అందరూ అనుకునేవారు. అందరూ అంటే అమ్మాయి, అబ్బాయి, వాళ్ల తల్లితండ్రులు కూడా. దాదాపు యద్దనపూడి ప్రతీ నవలలో హీరో అంటే ప్రత్యేకమైన వ్యక్తిగా ఉండేవాడు. నిజంగా అలాంటివాళ్లు ఉంటారో లేదో తెలీదుకాని, ఉంటే బాగుండు అనిపిస్తుంది. పాతికేళ్ల క్రిందటి పెళ్లికాని అమ్మాయిలను అడిగిచూడండి .ఏమంటారో? ఔననే అంటారు. ఇప్పట్లా షోకులు, బైకులు, బహుమతులు, డేటింగులు లేని కాలం.



ఇక నాకు అప్పుడూ ,ఇప్పుడూ, ఎప్పుడూ బాగా నచ్చిన హీరో "కృష్ణచైతన్య".. ఏ నవల్లో, సినిమాలో అనుకుంటున్నారా? యద్దనపూడి సులోచనారాణి రాసిన "అగ్నిపూలు" నవలలోని హీరో. 70 చివర. 80 మొదట్లో యద్దనపూడి అంటే ఆడాళ్లందరికీ ఒక క్రేజ్. నేనైతే నా పాకెట్ మనీ అంతా ఈ పుస్తకాలకే పెట్టేదాన్ని. అమ్మ కూడా చదివేది కాబట్టి నో ప్రాబ్లం. ఇందులో హీరో కృష్ణచైతన్య ఒక మహోన్నతమైన వ్యక్తిత్వం కల జమీందారీ బిడ్డ. భార్యకు నాట్యమంటే ప్రాణం అని తెలిసి తన అమ్మమ్మ జమిందారిణికి ఇష్టం లేకున్నా ఒప్పించి ఆమెతో నాట్యప్రదర్శనలు ఇప్పిస్తాడు. కాని ఒక ప్రదర్శనలో జరిగిన ప్రమాదంలో ఆమె అంగవికలురలవుతుంది. చక్రాలకుర్చీకే పరిమితమవుతుంది. ఐనా కూడా అతని ప్రేమ తగ్గదు. భార్యను మరింత ప్రేమగా చూసుకుంటాడు. ఒక విడేశీ వనితను పెళ్లి చేసుకుని తల్లి కోపానికి గురై ప్రాణాలు కోల్పోయిన మేనమామ పిల్లలను చేరదీస్తాడు. మరదలు తమ మీద పగ పట్టినా కూడా ఆమెను అర్ధం చేసుకుని మెల్లిగా ఆమెలో మార్పు తెస్తాడు. ఇలా అన్నీ మంచి లక్షణాలే ఈ హీరోకి. ఎప్పుడూ కోపం రాదు. అందరికీ సాయం చేస్తాడు. ప్రతీ సమస్యకు అతని దగ్గర పరిష్కారం ఉంటుంది. మరి ఏ అమ్మాయి ఇలాంటి హీరోకోసం కలలు కనదు చెప్పండి?



అన్నట్టు అప్పట్లో మావారి పేరు కృష్ణచైతన్య ఉంటే ఎంత బాగుండు. సినిమాహీరోలా కాకున్నా అని అనుకున్నాలెండి. ఎందుకో ఆ పేరు మీద అంత ఇష్టం. ప్చ్ కుదరలేదు. కాని నాకిష్టమైన పేరును వదలలేకపోయా. మా అబ్బాయి పుట్టినప్పుడు వాడికి పెట్టాను. అసలైతే పిల్లలకు పెద్దలే పేరు పెడతారు. తాతలు ,బామ్మలు .. కాని నేను ససేమిరా అన్నా. బహుశా నాకొసమేనేమో వాడు కృష్ణాష్టమికి నాలుగు రోజుల ముందు పుట్టాడు. పేరు చ తో రావాలన్నారు ఇంకేముంది నేను ఊరుకుంటానా? కృష్ణచైతన్య అని పెట్టేసా.


Wednesday, November 18, 2009

పేట రౌడీకి పుట్టినరోజు ఇనాం..

ఇయాల మీకో చిన్నకథ చెప్పాలే . మా పేటలో అదే బస్తీలో ఒక రౌడీ ఉన్నడు. చిన్నగున్నపటినుండి అన్నీ రౌడీ ఎశాలే. ఏదో ఒక లొల్లి జేసుడు ఇంట్ల తన్నులు తినుడు. కాని మస్తు సదివేటోడు. సదూకుంటప్పుడు పోరీలను మస్తు సతాయిస్తుండే. పెళ్లైనంక అన్ని తగ్గినయ్. ఇయాల ఆ రౌడీ పుట్టినదినమని గప్పుడెప్పుడో అన్నట్టు యాదికొచ్సింది.. గీ మధ్య ఈ రౌడీ ఏం జేస్తుండో తెలుసా? చికెన్ బిరియానిల చింతకాయ తొక్కు కలుపుకుంటే ఎట్టా ఉంటది?.  బాలేగదా!! గట్ల పాటలు, మాటలు, బొమ్మలు అన్నీ కలిపి అందరినీ హైరాన్ చేస్తుండులే. అది చూసి నవ్వుకోనోళ్లు  ఉన్నరంటరా? అందుకే గిట్ల అందిరిని  దిల్ ఖుష్ చేస్తున్న మలక్ పేట రౌడీకి ఇగ ఏదైనా ఇనాం ఇయాలే గదా అని ఇది డిసైడ్ జేసినన్నట్టు.
Bharadwaj.. Many Happy Returns of the Day...

Thanku and Sorry ( you know why?) hehehe...

Sunday, November 15, 2009

కార్న్ వంటకాలు - జయ


ప్రమదావనం సభ్యురాలు , నా స్నేహితురాలు జయారెడ్డి చేసిన కార్న్ (మొక్కజొన్న)వంటకాలు నిన్నటి సాక్షిలో ప్రచురింపబడ్డాయి. అభినందనలు జయ..తనకు బ్లాగు లేనందున ఇక్కడ పెట్టడమైనది.



Friday, November 13, 2009

భార్య భర్తల " అభిమాన్" బంధం

ఒక సంసారంలో భార్య భర్తల మధ్య వ్రత్తి పరంగా వచ్చే అపోహలు, అసూయలు ఎంతటి అగాధాన్ని సృష్టిస్తాయో తెలిపే అందమైన చిత్రం " అభిమాన్ ". అమితాబ్, జయాబచ్చన్ ల అద్భుతమైన నటన, మధురమైన పాటలు మరువరానివి. ఈ చిత్రంపై చిన్న సమీక్ష నవతరంగంలో ..

పాటలు ఇక్కడ..

మీత్ నా మిలారే మన్ కా




నదియా కినారే



తేరి బిందియా రే



లూటే కోయి మన్ కా నగర్



అబ్ తో హై తుమ్ సే



తేరే మేరే మిలన్ కి

పిల్లలకోసం ...

LEAD INDIA 2020


Lead India 2020 Foundation,
Oasis School of Excellence,
Raidurg, Hyderabad
Phone:- 040 65874556


Press Release


Contact: Dr. Sudershan Acharya
Phone: 92463 69466 FOR IMMEDIATE RELEASE
5 P.M., November 12, 2009

FORMER PRESIDENT DR. A.P.J ABDUL KALAM TO VISIT LEAD INDIA 2020 FOUNDATION TO INAUGURATE THE SCHOOL KITS PROJECT FOR FLOOD AFFECTED CHILDREN,HYDERABAD, NOVEMBER 14, 2009:


On this Children’s Day (Saturday, 14th November), our former President Dr. A.P.J Abdul Kalam will inaugurate the distribution of school kits for flood affected schools in the state. The event is being organized by the Lead India 2020 Foundation. The inauguration will take place at Oasis school of Excellence, Raidurg, Hyderabad at 4:00 PM, on Saturday (14th November).


Around 5000 children are expected to attend the function to meet Dr. Kalam. Many distinguished guests from industry and political circles will be present. The school kits donation drive has been running for the last one month by involving thousands of school children and various corporate institutions. The foundation expects to send around 6000 school kits in the first phase and expects to collect around 40,000 school kits in the ongoing campaign involving enterprises as well as various academic institutions. One school kit contains 8 note books, one instrument box, pen, pencils, eraser, sharpener, a T-Shirt, and a school bag. Lead India 2020 volunteers from the Hyderabad Software Exporters Association, Telugu Peoples Foundation, the Indian School of Business and various other institutions and schools participated in this drive to make it a huge success.


You may contact Lead India 2020 at 92463-93244 / 040 - 6587 4556

*************************************************************************************

Our target is to donate 40,000 school kits to children in the flood affected areas and in the first phase we are going to donate around 5000 kits before 20th of this month to Mehboob Nagar and Kurnool with this amount that we were able to raise. Since Dr. Kalam himself is coming down to inaugurate this event, we expect a huge support from many institutions and individuals to reach that target in the coming time before December end.

So please forward the attached press note to as many media contact as possible so that we get moer visibility into this campaign given the fact our former President is inaugurating the program. Thanks for all the volunteers who have come forward already to volunteer for the event. Please confirm your support at the earliest to head the various facilities committees that we are creating now.

Let's make it big together. Will some of you take the lead to increase the awareness for the event.

from,

Birds of Same Feathers.

Wednesday, November 11, 2009

గత స్మృతుల భావమాలిక

గత మూడేళ్లుగా నా ఆలోచనలను బ్లాగులో నిక్షిప్త పరచుకుంటూ వచ్చాను. అలాగే కొన్ని అద్భుతమైన చర్చలు కూడా జరిగాయి. మిగతావారి సంగతేమో గాని నేను మాత్రం చాలా లాభపడ్డాను. ఎందరో ఆత్మీయులు విలువైన వ్యాఖ్యలతో నన్ను ప్రోత్సహించి ఇంతదాన్ని చేసారు. కొత్త టపాలు రాసే మూడ్ లేదు. అందుకే పాట టపాలను ఒకసారి గుర్తు చేసుకుంటున్నాను. మీతో పంచుకుంటున్నాను.


1. అనుబంధం

2.మాట

3. పెళ్లిచూపుల ప్రహసనం

4. గుర్తుకొస్తున్నాయి

5. పడ్డానండి ప్రేమలో మరి


6.శతశతమానంభవతి

7.గ్యాస్ కొట్టండి

8.అంకెలలో పద్యసంకెలలు

9. మృదులాంత్ర నిపుణుడి మనోబావాలు

10. ఇంటా-వంటా-తంటా-పెంట

11.శుభవార్త

12.యదార్ధ గాధ

13.పెళ్లైనవారికి మాత్రమే

14.తెలుగు బ్లాగావరణ వార్తలు

15.స్నేహం

16. అమూల్యమైన బహుమతులు

17. ఆంధ్రాంగ్ల పద్యాలు

18. పేపర్ కటింగ్స్

19. ఏడువారాల నగలు

20. అమ్మ గురించి ఆలోచించండి

21. కనబడుట లేదు

22. కోతల రాణి

23. మల్లియలారా

24. సెల్లాయనమ:

25.గోవిందా గోవిందా

26. మల్లెపూల జడ

27. క్రేజీ కాంబినేషన్స్

28. పురాణాలు ఏం చెప్తున్నాయి

29. బ్లాగు భారతం

30. ఎవరు వీరు?

31. షేర్ ఆటో

32. ఏవండోయి శ్రీవారూ!

33. చదువుకున్నపశువులు

34. చెత్తనా కొడుకులకు చాకిరేవు

35. రాజవైభోగం

36. పుణుకులు

37. అమ్మో పదోక్లాసు

38. అమ్మానాన్నలకు అపురూప కానుక

39. అల్లరే అల్లరి

40. నాకిదే టైమ్ పాస్

41. పూజలా? పాలవరదలా?

42. ఒక్క స్మైల్ ప్లీజ్

43. హుర్రే! నేను గెలిచానోచ్

44. మీ బెస్ట్ ఫ్రెండ్ ఎవరు?

45. వీకెండ్ మస్తీ

46. బ్లాగు ప్రయాణాలు

47. బాగున్నారా?

48. చాంగురే బంగారు రాజా

49.అబ్బో! ఎన్ని ఆటలో?

50. మధిరోపాఖ్యాయనం

51. ఆడబిడ్డ ఎప్పటికి ఆడబిడ్డేనా??

52. పుట్టినరోజు

53. కత్తితో జ్యోతి -1

54. కత్తితో జ్యోతి -2

55. అంతర్జాలంలో తెలుగు సాహిత్యం

56. నేనింతే మారను గాక మారను

57. తప్పా?ఒప్పా?


58.నిన్నొదల బొమ్మాళీ

59. ఏమి సేతురా?

60. ఆడవాళ్లలో జీనియస్సులు ఎందుకు లేరు?

61. మసాలా దోసె -మనస్తత్వ విశ్లేషణ

62. ధాంక్స్

63. వ్యాపార ప్రకటనలు

64 . మరీ ఇంత నాజూకైతే ఎలా?

65 . ఆత్మీయ స్పర్శ

66. సినిమా చూడవయా!

67. బ్లాగర్లకు బ్లాగర్ల విజ్ఞప్తి

68. ఇట్స్ మై చాయిస్

69. చదువు (కొందామా)కుందామా?

70. నేటి మహిళ - 1

71. నేటి మహిళ -2

72. అష్టనాయికలు -పాఠికలు

73.అద్భుత భావగీతం

74. ఆహా ! ఏమి రుచి?

75. పొగ, కాఫీ పురాణం

76. అల్లరి వాన

77. స్నేహం

78. కృష్ణం వందే జగద్గురుం

79. షడ్రుచోపేతమైన సాహితీ విందు

80. అసాధ్యమే సుసాధ్యమైన వేళ

81. ఆడపిల్లంటే అంత అలుసా?

82. మామ- చందమామ

83.మత్స్య కన్య

84.ఆటలు -పాటలు

85. మరువం ఉష

86. అమ్మ నాదే

87. మనసు+ఆప్యాయత =వంట-వడ్డన

Tuesday, November 10, 2009

వలువలు -విలువలు

మనిషికి వేషభాషలు రెండూ ముఖ్యమే. వేషం బాహ్య జీవితానికి అద్దం పడితే , భాష ఆతని ఆంతరంగికం. మాట్లాడే భాష ఒకటి, రెండు లేదా మూడు ఉండొచ్చు.కాని వేషం పలురకాలు. వ్యక్తి చదువు, సంస్కారం, పాండిత్యం కంటే ఈ వేషధారణే ప్రముఖ పాత్ర వహిస్తుంది అని చెప్పవచ్చు. అపరిశుభ్రంగా ఉన్న పండితుడికి ఎటువంటి గుర్తింపు ఉండదు. కాని డాబుసరి వేషధారణతొ పామరుడైనా ఎంతోమందిని ఆకట్టుకుంటాడు. కొద్దో గొప్పో ఆదరణ పొందుతాడు. ఒక వ్యక్తిని చూడగానే ముందుగా మనకు కనిపించేది అతని వేషధారణ. అందుకే ఎంతటి గొప్పవాడైనా అతను కట్టినబట్ట కూడా ఖరీదైనదిగా ఉండక తప్పదు. అందుకేనేమో ఉండేల మాలకొండారెడ్డిగారు తమ "మడివేలు" కవితలో ఇలా అన్నారు.

పీతాంబరుని బిల్చి పిల్లనిచ్చిన మామ
గజ చర్మ ధారికి గరళ మిచ్చే
దొర వేషమునకు విందులనొసంగు గేస్తు
చింపిగుడ్డల వాని సీత్కరించె
అద్దె గుడ్డల వాని కర్ధాసనం బిచ్చె
కౌపీన ధారిని కసరి కొట్టె
జలతారు ముసుగున్న శిలను దైవమ్మనె
త్రొవ కడ్డంబైన తొలగదన్నె
వలువలను బట్టి లోకాన విలువ హెచ్చు

కట్టిన బట్టను బట్టి వ్యక్తి విలువ, గౌరవం ఉంటాయని అనుభవైకవేద్యం కానిది ఎంతమందికి?

అవునూ మనుషులకు పట్టు, నూలు వగైరా ఎన్నో రకాల వస్త్రాలు ఉండగా. దేవతలకు పీతాంభరం, శుక్లాంభరం .. ఈ రెండే బట్టలా? వాళ్లు నూలు బట్టలు కట్టరా? దొరకవా? అసలు సంగతేంటి??

దానికి కూడా సమాధానమిచ్చాడు ఉండేలకవి..
చాకివాని తోడ జగడాలు పడలేక
సిరిగలాడు పట్టు చీర గట్టె
శివుడు తోలు గట్టె"సీ"యని మదిరోసి
భైరవుండు చీర పారవేసె !!

ఇది మరీ బావుంది. చాకలివాడితో గొడవపడి విష్ణువు పట్టువస్త్రాలు కడితే, శివుడు తోలు కట్టాడంట..

కాని అదే రజకుడు ఎంత గొప్పవాడో ఉండేలవారే ఇలా చెప్పారు.

నీరదావృతమైన నీలాంబరమ్మును
కౌముదీ జలముతో కడుగు నెవడు
చంద్రికా సరసిలో శరదభ్ర శకలములే
పిండి, గాలికి ఆరవేయునెవడు
దెసమొలతోనున్న తీవపూబోండ్లకు
చిగురు చీరలనందజేయునెవడు
భూదేవి పదముల పొరలాడు కడలేని
కడలి కుచ్చెళ్లను మడచునెవడు
యుగ యుగమ్మున నొక మారుదయమంది
కలుష హృదయాల నమృతాన కడుగు నెవడు
విశ్వకర్త అతండు నీ వృత్తివాడు
ఇంత గౌరవ భాగ్యమింకెవరి కబ్బు.

మురికిని ఉతికి,పిండి ఆరవేసేవాడు చాకలివాడు. మాలిన్య ప్రక్షాళన చేసెడి రజకుడికి విశ్వకర్మ అని కీర్తించడం సబబేమో..

గత వారం ఒక పెళ్ళికి వెళ్తే చాలా మంది ముందు కట్టుకున్న బట్టలు, నగలు చూస్తున్నారు.చూస్తూనే ఉన్నారు. అది చూసి చిరాకేసి రాసిన టపా ఇది..

Tuesday, November 3, 2009

బ్లాగ్ వనంలో వనభోజనాలు

కార్తీక మాసం కదా పూజలు అవి ఎలాగు చేసుకుంటాము. వనభోజనాలు మంచిది అంటారు .కాని అలా వండుకుని అందరు కలిసి , అందరిని పిలిచి సరదాగా గడిపే సమయం ఎంతమందికి ఉంటుంది. నేనైతే ఇంతవరకు వెళ్ళలేదు. ఎవరికీ ఎవరో,ఎవరు ఎలా ఉంటారో, వివరాలు తెలీకున్నా బ్లాగుల ద్వారా పరిచయాలు పెరిగాయి. స్నేహాలు కలిగాయి. అలాగే రొటీన్ టపాలు రాసి బోర్ కొట్టింది.. వనభోజనాలు పెట్టుకుందామా అనగానే వాయెస్ అని చెంగు బిగించి వంట చేసేసి ఫుతోలు తీసేసి తమదైన శైలిలో టపాయించేసారు అతివలందరూ. మగవాళ్ళు కూడా మేము గరిట తిప్పుతాం అని అంటారేమో అని ఆశ పడ్డా అది అడియాసే ఐంది. (బ్యాక్ గ్రౌండ్ లో నీయాస అడియాస అని పాడుకోగలరు) సరేలెండి.. నిన్నటి రుచులన్నీ ఒకేచోట చేర్చేస్తున్నా.. వంటలు, ఛలోక్తులు, నవ్వులు, పాటలతో పాటు సరదా సరదాగా గడిచిపోయింది కదా.

జ్యోతి

వరూధిని

జ్ఞాన ప్రసూన

పి.ఎస్.ఎం.లక్ష్మి

మాల

సూర్యలక్ష్మి

జయ

సునీత

ఇందిరా

భావన

నీహారిక

తృష్ణ

నేస్తం

సుభద్ర

ఉష

కృష్ణుడు

స్వాతి

రాధిక

శ్రీలలిత

కార్తీకమాసం ఇంకా అయిపోలేదు కాబట్టి ఇంకా ఎవరైనా రాయొచ్చు. అలా రాస్తే ఇక్కడో ఉత్తరం పెట్టేయండి. ఈ లిస్టులో కలిపేస్తా. అందరికీ పనికొస్తాయి కదా.

Monday, November 2, 2009

బ్లాగ్వనంలో వనభోజనాలు - క్యాప్సికం మసాలా కూర

కార్తీక పౌర్ణమి సందర్భంగా బ్లాగ్వనభోజనాలకు స్వాగతం.. సుస్వాగతం..






కావలసిన వస్తువులు

క్యాప్సికం - 250
ఉల్లిపాయ - 1
పసుపు - 1/4 tsp
కారం పొడి - 1tsp
ఉప్ప్పు -తగినంత
కొబ్బరి పొడి - 2 tbsp
నువ్వుల పొడి - 2 tsp
జీలకర్ర పొడి - 1 tsp
మెంతి పొడి - 1/2 tsp
చింతపండు పులుసు - 1/4 cup
అల్లం వెల్లుల్లి ముద్ద -1 tsp
కరివేపాకు -రెండు రెబ్బలు
నూనె - 5

క్యాప్సికం అంగుళం సైజులో ముక్కలుగ కట్ చేసి పెట్టుకోవాలి. నూనె వేడి చేసి సన్నగా తరిగిన ఉల్లిపాయలు వేశి బంగారు రంగు వచ్చేవరకు వేయించాలి. అల్లం వెల్లులి ముద్ద, కరివేపాకు. పసుపు వేసి కొద్దిగా వేపి క్యాప్సికం ముక్కలు,కారం, తగినంత ఉప్పు వేసి బాగా కలియబెట్టి మూతపెట్టి నిదానంగా మగ్గనివ్వాలి. క్యాప్సికం ముక్కలు మెత్తబడ్డాక చింతపండు పులుసు , కొబ్బరి, నువ్వులు, జీలకర్ర, మెంథి పొడులు వేసి కలిపి కప్పు నీళ్లుపోసి నూనె తేలేవరకు ఉడికించి దింపేయాలి. ఈ కూర బయట పెట్టినా రెండురోజులు నిలవ ఉంటుంది. ఉప్పు,నూనె సరిగ్గా ఉంటే. ఈ కూర అన్నం, రొట్టెలకు బాగుంటుంది.

ఒక్కటే కూరా?? అబ్బే !! అస్సలు బాలేదంటారా??? అవును కదా!!!




సరే మీ కోసం కొన్ని టమాట వంటకాలు నిన్నటి సాక్షిలో ప్రచురించబడినవి. ఇవి ఇక్కడ చదువుకోండి మరి..


చివరిగా ఒక ముఖ్యవిషయం ::

ఇది నేను చెప్పాల్సిన మాట కాదు. రోజు వంట చేయడమంటే విసుగ్గా ఉంది. పడుకునేటప్పుడు పొద్దున టిఫిన్ కి ఏం చేయాలి, మళ్లీ మధ్యాహ్నం లంచ్ కి ఏం వండాలి. కాస్త తీరిక దొరికిన తర్వాత రాత్రి భోజనం గురించి ఆలోచనలు. ఆడవాళ్లకు మాత్రమే ఈ టెన్షన్. మగవాళ్లు హాయిగా వండింది తింటారు. ఒక్కరోజు నువ్వు కూర్చో. నేను చేసిపెడతా అనరుగా. అందుకే ఒక్కోసారి నాకు మహా కోపం వచ్చేస్తుంది. ఆడవాళ్లు వంట చేయాలి అన్నవాడిని ట్యాంక్ బండ్ కంపు నీళ్లలోకి తాడు కట్టి వేలాడదీయాలి అని. అస్సలు ఈ ఆకలి అనేది లేకుంటే ఎంత బాగుంటుంది..:) మావారికి సాక్షిలో నా వంటకాలు పడ్డాయి అంటే ,నీకేం వచ్చు. మిగతావాళ్లు ,ఆ టీవీ,పత్రికలవాళ్లు ఇంతకంటే అద్వాన్నమైన తిండి తింటారేమో? అందుకే నీ వంటలు అంతగా నచ్చుతున్నాయి అని వాదించసాగారు. ఆ కోపంలో కాపీ కాస్తూ టీపొడి వేసా.. :))) మొగుళ్లంతే!! మన టాలెంటు అస్సలు గుర్తించరు!! ఎప్పుడు మారతారో? ఏమో ?

Blogger template 'YellowFlower' by Ourblogtemplates.com 2008