ఎవండోయ్ శ్రీవారూ...

ఈ రోజు టైమ్స్ దినపత్రికలో వచ్చిన వ్యాసానికి నవ్వొచ్చింది . అందుకే ఈ ప్రతిస్పందన.

ఇంటికి దీపం ఇల్లాలు అంటారు చాలా బావుంది. కాని ఆ ఇల్లాలు చెసే పనులకు నిజంగా వెలకడితే ఎంతవుతుందో తెలుసా? అక్షరాలా 50,000 రూపాయలు. ఇది మీరు భరించగలరా. అంత స్తోమతు ఉందా? ఇటీవల టైమ్స్ అఫ్ ఇండియా పేపర్ వాళ్ళు జరిపిన సర్వేలో తేలిన విషయమేమిటంటే మీ భార్య/అమ్మ ఇంట్లో ఉండి చేసే పనులకు నిజంగా సరియైన వెల కడితే ఆమెకు ఇవ్వాల్సిన జీతం నెలకు అచ్చంగా యాభైవేలు. ఇలా ఎప్పుడైనా ఆలోచించారా? గుండె గుభేళుమంది కదా!

అందరికి తెలిసిన విషయమే కాని అంగీకరించడానికి మనసొప్పుకోదు. ఇల్లాలు ఎన్ని పనులు, ఎన్ని గంటలు పని చేస్తుంది.ఎన్ని సెలవులు ఆమెకు లభిస్తున్నాయి. ఇంత పని చేసిన ఆమెకు కనీసం తన ఖర్చులకు కూడ నెలకు ఇంత ఇవ్వాలి అని ఆలోచించే ప్రభుద్ధులు ఎంతమంది? అన్ని తెచ్చిపెట్టాక ఇంకా ఏమవసరం అంటారు? ఆదివారం భర్తకు, పిల్లలకు సెలవు అని హాయిగా ఇంట్లో రెస్ట్ తీసుకుంటారు. మరి ఇంటి ఇల్లాలికి సెలవు ఉంటుందా ఆ రోజు? అదే రోజు పని పెరుగుతుంది. అన్నిపనులు ఆలస్యంగా జరుగుతాయి. ఇంకా తినడానికి స్పెషల్స్ కావాలి? మరి తనకు రెస్ట్ ఎప్పుడు?

బయటకెళ్ళి చేస్తేనే ఉద్యోగమా? అదే అసలైన పనా? ఉదయం కాఫీ , పిల్లలను లెపి తయారు చేసి, భోజనం పెట్టి , క్యారేజీలు, పుస్తకాలు సర్ది పంపడం, భర్తకు కావలసినవి అందించి అతడి అవసరాలు చూడడం, ఇంటికి కావలసినవి షాపింగ్ చేయడం,పిల్లల చదువులు, ఆరోగ్యం, చుట్టాల మర్యాదలు, బిల్లులు కట్టడం వంటివి చేసే మహిళలు ఎంతో మంది ఉన్నారు. ఎంతో మంది మహిళలు పిల్లలు చిన్నగా ఉన్నప్పుడు తమ ఉద్యోగాలు, కెరీర్ కూడా త్యాగం చేస్తారు.

ఐతె ఎంటంటా? ఇవన్నీ చేసినందుకు రోజు దండం పెట్టిపూజ చేయాలా . భార్య/అమ్మ ఐనందుకు చేయాలి తప్పదు. ఉన్నదెందుకు మరి అనేవారు కోకొల్లలు.నేను ఎన్నో కుటుంబాలలో చూసాను కూడా. ఇల్లాలు అంటె taken for granted అనుకుంటారు. సరేలేండి. ఇప్పుడు ఒక కెరీర్ అండ్ జాబ్ కన్సల్టెంట్ చేసిన లెక్కల ప్రకారం ఇల్లాలు చేసే పనులకు దేనికి ఎంత జీతం ఇవ్వాలి అని ఇలా ఉన్నాయి.

వంట : Rs. 6,000.(ఇంతోటి వంటకు అంతివ్వాలా. టూమచ్.) రెండు రోజులు హోటల్ టిండి తింటే కాని తెలీదు.ఎంత బరువు తగ్గుతారో - పర్సుకు,కడుపుకు)

శుభ్రపరచడం :Rs.4,500 (ఇక ఐనట్టే. అంతా? ఐదొందలు పడేస్తే పనిమనిషి వచ్చి ఇల్లంతా శుభ్రం చేసి, బట్టలు ఉతికి, గిన్నెలు కడుగుతుంది. అది చేస్తే చాలా .ఇక వేరే పని ఉండదా)

బాగోగులు చూసుకోవడం : Rs.18,000. (ఇది మరీ చోద్యం. ఊరుకుంటున్నామని ఇష్టమొచ్చినట్టు ధర కట్టడమే. రోజు ఏముంటుంది చూసుకోవడానికి . పిల్లలు కాస్త పెద్ద అయ్యారంటే వాళ్ళ పని వాళ్ళు చేసుకుంటారు. స్కూలుకి క్యారేజి కట్టడం మాత్రమే చేస్తే చాలు.ఇక జ్వరం లాంటి అనారోగ్యాలు ఎప్పుడూ వస్తాయా?)

అఫిషియల్ వర్క్ : బ్యాంకు పని, పోస్ట్, బిల్లులు కట్టడం వంటివి Rs.3000 : ఎవరన్నా అబ్బయికి పది రూపాయలు ఇస్తే నెలకోసారి ఈ పనులన్నీ చేస్తాడు కదా.

డ్రైవింగ్ : Rs.6,000: అందరికి కారు, ఎగస్ట్రా స్కూటర్లు,స్కూటీలు ఉంటాయా?)

ఇతరత్రా ముఖ్యమైన పనులు : Rs.7,000. సర్లేండి. ఇలా ప్రతీ దానికి లెక్కలు కడితే ఐనట్టే.

లెక్కలు వేయలేని ఎన్నో పనులు : Rs.5,౫౦౦

మొత్తం జీతం : Rs.50,౦౦౦

మహిళలూ, ఇది చదివి మరీ ఎక్కువ ఊహించుకోకండి.ఇందులో కనీసం 1% కూడా అంటె నెలకు కనీసం 500 రూపాయలు కూడా ఇవ్వరు భర్తలు కాని, పిల్లలు కాని. కావాలంటె అడుగు తెచ్చిపెడతాం అంటారు. అంటే మన అవసరాలన్నింటికి అడిగితే కాని కాసులు రాలవు.

లైట్ తీసుకోండి.. నాలాగే!! ( ఇది ఒక వార్త మాత్రమే కాదు.నేను ప్రత్యక్షంగా ఎన్నో ఇళ్ళలో చూసిన నిజాలు. అలా అని వేలల్లో జీతాలు ఇవ్వమని ఎవ్వరూ అడగలేదు. కనీసం గుర్తిస్తే చాలు అనుకుంటారు. )