హాస్య పుణుకులు - రాజు, ఏడూ చేపలు..

అనగనగా ఒక రాజు.ఆ రాజుకు ఏడుగురు కొడుకులు. ఎండాకాలంలో పరీక్షలు ఐపోయి తాతిళ్లు ఇవ్వగానే ఇంటికొచ్చారు.

ఒకరోజు రాజేమో "పాండురంగడు" సినిమా చూస్తుండు. మస్తు ఖుషీగ ఉన్నడు.

కొడుకులొచ్చి "నాయనా! మాకు బోర్ ఐతుందే! ఏం చేయాలే ?" అని అన్నారు.

అప్పుడా రాజు " బోర్ ఐతే సిన్మాలు చూడుండ్రి, దోస్తులతో షికార్లకు పోండి, నేనేం చేయాలే మరి?"

" అవన్నీ జేసీనా కూడా బోర్ ఐతుందే " . ఐతే అలా ఏటకు పోయిరండ్రి.నన్ను సతాయించొద్దు. సిన్మా చూడాలే. ఎల్లండి" అని తరిమేసిండు.

అప్పుడు ఆ ఏడుగురు కొడుకులు రెండు కార్లేసుకుని ఏటకు వెళ్ళి ఏడు చేపలు తెచ్చారు. ఎలాగు అమ్ముకునేది లేదు. ఒక్కక్కరికి ఒక్కోటి అని అంతే తెచ్చారు. అవి అట్లనే తింటే బాగుండవు కదా అందుకే కాస్త మసాలా పట్టించి ఎండలో పెట్టారు. ఐనా అవి ఎండలేదు.

కొడుకులు మళ్ళీ రాజు దగ్గరకు పోయి "నాయనా! ఈ చాపలు ఎండుతలేవు? జర ఒచ్చి సూడే!" అన్నారు.

రాజు వెళ్ళి "ఒసే! చేపలూ! ఏమైందే మీకు ఎందుకు ఎండలేదు?"

"మేంఏం జేసేది? ఆ చత్రీ అడ్డమొచ్చి ఎండ గొట్టలే. అందుకే ఎండలేదు"

"చత్రీ ! నువ్వెందుకు అడ్డమొచ్చావు . ఏంది కత?"

" ఓ రాజా! నేనేం జేసేది! ఎండైనా, వానైనా చాలా మంది చత్రీలు పెట్టుకుంటలేరు. హెల్మెట్లంట .. ఏవో చిప్పలు బోర్లించి పెట్టుకుంటుండ్రు నెత్తిల మీద. అందుకే ఇక్కడికొచ్చా"

"ఏమే హెల్మెట్టు ! నువ్వెందుకు ఎప్పుడూ వాళ్ళ నెత్తిలమీద కూర్చుంటవ్? పనేమి లేదా?"

"నేనేం జేయను ! హెల్మెట్టు పెట్టుకోకుంటే ఈ పోలీసోల్లు ఊకుంటరా? పైసల్ అడుగుతరు? అందుకే బండి నడీపించెటోల్లు పెట్టుకుంటున్నరు?

"ఓరేయ్ పోలీసోడా! నీకేం రోగమొచ్చిందిరా? నెత్తిమీద చిప్పలాంటి హెల్మెట్లు పెట్టుకోకుంటే పట్టుకుని పైసల్ గుంజుతున్నవంట "

"మారాజా! నా తిప్పలు ఎవడింటడు. ఇంట్ల పెళ్ళాం ఊర్కె పైసల్ దే, పైసల్ దే అంటది. ఉట్టి చేతులతో ఇంటికి రానీయదు, తిండి పెట్టదు. నా జీతమేమో తాగుడుకు, అప్పులకే పాయే?

" ఏవమ్మా! ఎండుకు ఊరికే నీ మొగుడిని సతాయిస్తున్నవంట! ఇది మంచిదేనా అసలు?"

"నేకేందయ్యా ! బంగ్లాల కూసోని మాటలు చెప్తవ్. మా పోరగాడు ఎప్పుడూ ఏడుస్తుంటడు. వాడికి ఏదో ఒకటి పెట్టి ఊకోబెట్టాలే కదా?"

"ఒరే పోరగా! ఎందుకురా ఏడుస్తావంట!'

"చీమ పుట్టల ఏలు పెడితే అది కరుస్తుంది రోజూ. అందుకే ఏడుస్తా"

'నీయమ్మ చీమా! గింతున్నవ్. నువ్వెందుకు ఆ సంటి పోరగాన్ని కరుస్తున్నవంట రోజు"

"ఓ రాజా! అసలు జరిగింది తెలుసుకోకుండా అనొద్దు మల్ల. ఈ పోరగాడు రోజు నేను టివిల " హమ్మ! హమ్మ!" అనే మస్తు డాన్సు ప్రోగ్రాము సూస్తున్నప్పుడే నా పుట్టలో ఏలు పెడతాడు. ఆ కనెక్షన్ ఊడిపోతుంది. నాకు కోపం రాదా "

" ???????????????????????"

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

అందరికంటే చిన్న దేవుడు ఎవరు?? అందరి ఇళ్ళలో ఉంటాడు.