Wednesday, August 24, 2011

మాలిక శ్రావణ పౌర్ణమి సంచికకు స్వాగతం

మాలిక మూడవ సంచికకు స్వాగతం. ఎప్పుడెప్పుడా అని ఎదురుచూస్తున్న ఈ ప్రత్యేక సంచిక ఎన్నో వ్యాసాలు, కథలతో, పోటీలతో ముస్తాబై వచ్చింది. వాస్తవానికి ఇది మూడవ సంచిక ఐనా మాలిక మొదటి సంచికగానే భావించాము. ఇంతకు ముందు విడుదల ఐన సంచికలు పత్రికా నిర్వహణ, రచనల ఎంపిక, లోటుపాట్లు తెలుసుకుని మెరుగుపర్చుకోవడం కోసం ఒక ప్రయోగంగా భావించాము. ఈ సంచికలో జగద్ధాత్రి, డా. తాడేపల్లి పతంజలి, యక్కలూరి శ్రీరాములు, మన్నే సత్యనారాయణ లాంటి ప్రముఖుల రచనలు, బ్లాగర్లు ఇచ్చిన అద్భుతమైన కథలు, వ్యాసాలు, అసలు బ్లాగులంటేనే తెలీనివారి రచనలు కూడా ఈ పత్రికలో పొందుపరిచాము. అవి మీకు నచ్చుతాయని ఆశిస్తున్నాము. మీ విమర్శలు, సలహాలు మాకు సదా శిరోధార్యం.



అనివార్య కారణాల వల్ల రావు బాలసరస్వతిగారి ఇంటర్వ్యూ ప్రచురించడంలేదు.. అది దీపావళి సంచికలొ చూడవచ్చు. చదవవచ్చు. మాలిక పత్రికలో మరో విశేషం..ఈ సంచికనుండి రెండు పోటీలు నిర్వహిస్తున్నాము. రెండింటికి నగదు బహుమతి ఉంటుంది. పదచంద్రికను తప్పులు లేకుండా పూరించినవారికి నగదు బహుమతి వెయ్యి రూపాయలు. మరో పోటీ ఏంటంటే.. ఈ సంచికలో ఒకే రచయిత రాసిన రచనలు ఒకటికంటే ఎక్కువ ఉన్నాయి. ఆ శైలిని మీరు గుర్తుపట్టగలరేమో చూడండి. రచయితను గుర్తించండి. బహుమతి తీసుకోండి.. వచ్చే నెల సెప్టెంబర్ 21 న గురజాడ నూట యాభయ్యవ జయంతి జరుపుకోబోయే సందర్భంగా గురజాడివారి రచనలపై విశ్లేషణతొ కూడిన రచనలు రెండు సమర్పిస్తున్నాం. చదివి మీ అభిప్రాయం చెప్పగలరు.



మాలిక పత్రికలో మరో నలుగురు కొత్త సభ్యులు చేరారు. సుజాత , కల్లూరి శైలబాల, కుమార్, ఎన్. కౌటిల్య.



వచ్చే సంచిక కోసం మీ రచనలు ఈ చిరునామాకు పంపగలరు editor@maalika.org .. మా ఈ పత్రికకు తమ రచనలు పంపినవారందరికీ ధన్యవాదాలు. మీ నుండి మరిన్ని అమూల్యమైన రచనల కోసం మాలిక పత్రిక సదా ఆహ్వానం పలుకుతుంది. ఎదురుచూస్తూ ఉంటుంది.



ధన్యవాదాలు.

http://magazine.maalika.org/

2 వ్యాఖ్యలు:

కృష్ణప్రియ

శుభాభినందనలు. చాలా బాగా వచ్చింది పత్రిక. రెండు మూడు రోజులు పండగ చేసుకోవచ్చు..

PBS

mam oka doubt.
Nenu story raasanu. edina magazine ki pampudamanukuntunnanu. ex: eenadu, andhra jyothi.. vaati rules n regulations emi untayo cheppagalaru... Endukante meru raasinavi konni various magazines lo chusanu.

Post a Comment

Blogger template 'YellowFlower' by Ourblogtemplates.com 2008