స్నేహబంధం

చాలా కాలం తర్వాత కలిసారు వాళ్లిద్దరూ.. సరదాగా, సీరియస్ గా మాట్లాడుకుంటున్నారు.
మాటల్లో వాళ్లకు సమయం ఎలా గడిచిపోయిందో తెలీలేదు..
అకస్మాత్తుగా నిశ్శబ్ధం.
తను మాట్లాడడం లేదని తెలిసింది..
తలతిప్పి చూస్తే సోఫాలో కూర్చున్నట్టుగానే కళ్లుమూసుకుని నిద్రపోతోంది..
ఆ మొహంలో ఎంతో అలసట, ఆందోళన తెలుస్తోంది.. ఐనా కూడా అందంగానే ఉంది..
ఆమెనలా చూస్తూనే ఉండిపోయాడతను..
కాస్సేపయ్యాక మెల్లిగా లేచి తన దగ్గరకు వెళ్లి సున్నితంగా ముద్దు పెట్టుకున్నాడు..
"నాకు తెలుసు మిత్రమా! జీవనపోరాటంలో నీవెంత అలసిపోయావో... హాయిగా కొద్దిసేపైనా సేదతీరు" మని నుదుటిమీద ప్రేమగా, సున్నితంగా ముద్దుపెట్టి ఆమెకు ఇబ్బంది కలగకుండా ఎదురుగా కూర్చుని అలా చూస్తూ ఉండిపోయాడు...
pic courtesy: http://www.wetcanvas.com/forums/showthread.php?t=1092942