క్లబ్ డాన్సుల పోటీలు

గత వారంగా అనుకుంటా జెమిని టీవీలో ప్రారంభమైన హమ్మా హమ్మా అనే డాన్స్ ప్రోగ్రాం చూస్తుంటే అసహ్యంగా ఉంటుంది . సినిమాల్లోని ఐటం సాంగ్స్ ని ఇక్కడ అమ్మాయిలతో , అర్ధనగ్న నృత్యాలు చేయించడంలో ఉద్దేశ్యమేంటి అనేది నాకు అర్ధం కాలేదు. అసలు జెమిని వాళ్లు ముందే ఆరవ సీరియల్లతో చంపేస్తున్నారు. అడపా దడపా తెలుగు సీరియల్లు వేసినా అందులో చేసేది మాత్రం అరవోల్లె. ఇప్పుడు ఈ చెత్త ప్రోగ్రాములు. దానికి గున్న ఏనుగు లాంటి రాశి, వృద్ధ సుందరి అలనాటి జ్యోతిలక్ష్మి , ఇంకా ఎవరో ఇద్దరు మగాళ్ళు. వీళ్ళు జడ్జీలు. సినిమాల్లో అంటే అమ్మాయిలు పొట్ట కూటి కోసం అర్ధ నగ్న డాన్సులు చేస్తున్నారు. మరి జెమిని వాళ్ళకేం పోయే రోగం. ఇలాంటివి తయారు చేస్తున్నారు. దాని బదులు ఆ సినిమాల్లో పాటలన్నీ తెచ్చి వేయొచ్చుగా ... దానికో వేదిక, స్పాన్సర్, కథా కాకరకాయ. ఆ అమ్మాయిలను చూస్తుంటే నాకైతే డోకొస్తుంది . అంత అసహ్యంగా నృత్యాలు, బట్టలు. .. చీ. చీ. దీనికి ఊర్లలో జరిగే రికార్డింగ్ డాన్సులకు పెద్ద తేడా ఏముంది.


ఎప్పుడో ఓసారి టివి చూదామంటే ఇలాంటి చెత్త ప్రోగ్రాములు. ఇంతకంటే చిన్నపిల్లల పాటలో పోటీలు చాలా బావుంటున్నాయి. జీ తెలుగులోని స్వరనీరాజనం లో పిల్లలు పాడే పాటలు వింటుంటే వాళ్ళకు చేతులెత్తి మొక్కాలనిపిస్తుంది . అంత అందమైన , మధురమైన గాన మాధుర్యం. ఈ పెద్దలకేం రోగమో..