నా ప్రతిరూపానికి పుట్టినరోజు శుభాకాంక్షలు ..

దీపు, నువ్వు ఎప్పుడు ఆరోగ్యంగా, సంతోషంగా ఉండాలని మనసారా దీవిస్తూ .. అమ్మ

ఈరోజు మా అమ్మాయి దీప్తి పుట్టినరోజు. ఈరోజు నాకు కూడా చాలా ప్రత్యేకమైనది అని చెప్పవచ్చును. ఎందుకంటే నేను అంతర్జాలానికి వచ్చిందే మా అమ్మాయి చదువుకోసం. ఇంజనీరింగు మూడవ సంవత్సరంలో ఉండగానే "మమ్మీ ! నేను CAT , XAT పరీక్షలకు చదువుతాను" అంది. ఆర్ధిక పరిస్థితులు అంతంత మాత్రంగా ఉన్న పరిస్థితులలో చదువుకుంటానంటే ఎలా వద్దనగలను.కాని నేను చెప్పింది ఒకటే.. నువ్వు సీరియస్సుగా చదువుతానంటే . ఓకె.. నువ్వు చదువుకో. మిగతా విషయాలు నేను సేకరిస్తాను అని నెట్‍లో కావలసిన సమాచారం సేకరించడం, నెట్ లో కలిసిన మిత్రులతో కాలేజీలు, ఉద్యోగం గురించి తెలుసుకోవడం నేను చేసేపని. కాని తను పట్టుదలతో చదువుకుని , ప్రతిష్టాకరమైన కాలేజీలో అదీ హైదరాబాదులో చేరింది. తోటి స్నేహితులు పార్టీలు, సినిమాలు, ఖరీదైన బట్టలు అని జల్సా చేస్తున్నా, తను మాత్రం చదువు, ఉద్యోగం మీదే దృష్టి పెట్టింది. అనుకున్నది సాధించింది. బుడిబుడి అడుగులతో ఆడుతూ పాడుతూ పెరిగిన నా చిన్నారి , అతి చిన్న వయసులొ ఇప్పుడు ఒక పెద్ద కంపెనీలో భాధ్యాయుతమైన ప్రాజెక్ట్ ఇంజనీరుగా ఉంది అంటే నాకు చాలా గర్వంగా ఉంది. నా కూతురి విషయంలో నేను సాధించిన విజయం ముందు బ్లాగ్లోకంలో నాకు వచ్చే విజయాలు , మెప్పులు చాలా చిన్నవి.

ఇక నా కోరిక ఒకటే. తన ఆశలు, ఆశయాలు, అభిరుచులు, ఉద్యోగ బాధ్యతలు అర్ధం చేసుకుని, ప్రేమించే జీవిత భాగస్వామి రావాలని . (ఇందులో ఏదైనా తేడా జరిగితే, మా అమ్మాయిని కష్టపెడితే నేను మాత్రం ఊరుకోను.అది మా అమ్మాయికి కూడా తెలుసు ).

మా అమ్మాయికి మీ అందరి ఆశీస్సులు కోరుతూ....