పుణుకులు

1. చీమ , ఏనుగు గాడంగా ప్రేమించుకున్నాయి. ఏనుగు తలిదండ్రులు వాళ్ల పెళ్ళికి ఒప్పుకున్నారు. ఎందుకంటే చీమ చాలా కష్టజీవి, దుబారా ఖర్చు పెట్టదు, కష్టకాలానికి దాచి పెడుతుంది అని. చీమ తలిదండ్రులు మాత్రం మేము అమ్మాయిని అంటే ఏనుగుని చూడాలి అన్నారు. సరే అని పెళ్లి చూపులు ఏర్పాటు చేయబడ్డాయి. కాని ఇంటికెళ్ళాక వాళ్లు పెళ్ళికి ఒప్పుకోలేదు. అమ్మాయి నచ్చలేదు అన్నారు. ఎందుకంటే ...

"అమ్మాయికి ఎత్తు పళ్ళు ఉన్నాయి. బాలేదు !!!"



2 . ప్రేమికులైన రెండు బొద్దింకలు పార్కులో కూర్చున్నాయి. అంతలో ఒక బొద్దింక వీరావేశంలో ఒక పాట పాడింది. "తేరా తేరా తేరా సురూర్ " అని హిందీ హిట్ సాంగ్ పాడింది . అంతే పక్కనున్న బొద్దింకతో పాటు చుట్టూ పక్కల ఉన్నా బొద్దింకలన్నీ డమాలని చచ్చిపోయాయి. ఎందుకు???


మీరు ఎన్నో రకాల దోశలు చూసి ఉంటారు. కొన్ని తిని ఉంటారు. ఉల్లి దోశ , ఎమ్మెల్యే దోశ, పన్నీర్ దోశ , ఖీమ దోశ, మొదలైనవి. అన్నిదోశలు రుచిగా ఉంటాయి. కాని ఉప్పు లేకుంటే బాగుండవు కదా.

అలా ఉప్పు లేని దోశ లను ఏమంటారు ???