Monday 22 December 2014

Happy Birthday to Me , Myself...Jyothi



కొన్నేళ్ల క్రితం నేనేంటో , నాకేం వచ్చో, నేనేం చేయగలనో తెలీదు. అసలు నేనేమైనా చేయగలను, సాధించగలను అని ఎప్పుడూ అనుకోలేదు. కనీసం డిగ్రీ పూర్తి చేయలేదు. మరీ జీనియస్ కాదు. పెద్దవాళ్లెవరూ తెలీదు.స్నేహితులు లేరు..  సరే.. వంట చేసుకోవడం, ఇల్లు సర్దుకోవడం. భర్త, పిల్లలను సరిగా చూసుకోవడం. వారికి కావలసినవి అమర్చడం.. బంధువులను ఆదరించడం.. ఇవి చేస్తే చాలులే అంటూ గడిపేసిన జీవితం నేడు పూర్తిగా తిరగబడింది. ఆత్మీయ మిత్రులు, కుటుంబ సభ్యుల సహకారంతో నేను ఒక రచయిత్రి, ఎడిటర్, పబ్లిషర్ గా మంచి పేరు లభించింది.  ఈ పుట్టినరోజుకు నాకు నేను ఇచ్చుకున్న గొప్ప బహుమతి  హైదరాబాదు బుక్ ఫెయిర్ లో మరికొందరు ప్రముఖ మహిళా రచయిత్రులతో కలిసి స్టాల్ పెట్టడం. అది కూడా గొప్ప విజయం సాధిస్తోంది. ప్రశంసలు వస్తున్నాయి.. ఇప్పుడు సంతృప్తిగా ఉంది. నేను కూడా ఏదో చేయగలను, చేసాను అని..

నా గురించి పూర్తిగా కాకున్నా చాలా తెలుసుకున్న ఒక ఆత్మీయ సొదరి చేసిన ఈ కార్డ్ కంటే అందమైనది నేను చేయలేను.. అందుకే అదే మీకోసం.




Wednesday 17 December 2014

ప్రమదాక్షరి / J.V.Publishers బుక్ స్టాల్




డిసెంబర్ అనగానే హైదరాబాదీలకు గుర్తొచ్చేది పుస్తకాల పండగ. 1985లో ప్రారంభమైన ఈ పుస్తకప్రదర్శన ఈసారి ఇందిరా పార్క్ దగ్గర ఎన్టీఆర్ స్టేడియంలో జరుగుతోంది.

ఈ ప్రదర్శన డిసెంబర్ 17 నుండి 26 వరకు ప్రతీరోజు మధ్యాహ్నం 2 గంటలనుండి రాత్రి 8.30 వరకు. వారాంతం, సెలవుల్లో ఉదయం 11 గంటలనుండి రాత్రి 9 గంటల వరకు ఉంటుంది.

ఈ 28వ పుస్తకప్రదర్శనలో జె.వి.పబ్లిషర్స్, తెలుగు మహిళా రచయిత్రులు కలిసి ఒక ప్రత్యేకమైన స్టాల్ "ప్రమదాక్షరి/ J.V.Publishers" ఏర్పాటు చేస్తున్నారు.. ఈ స్టాల్ కి చాలా ప్రత్యేకతలున్నాయి.. పాతికమంది రచయిత్రులు తమ పుస్తకాలను ప్రదర్శిస్తున్నారు. నావి రెండు తెలంగాణ ఇంటివంటల పుస్తకాలు, వారణాసి నాగలక్ష్మి రాసిన ఊర్వశి, 24మంది రచయిత్రులు కలిసి రాసిన "ప్రమదాక్షరి కథామాలిక - తండ్రి తనయ" పుస్తకావిష్కరణ ఉంటుంది.
అంతే కాదు పుస్తకాల బిల్లును బట్టి చిన్న చిన్న బహుమతులు కూడా ఉన్నాయండోయ్..

మేము ఈ స్టాల్ ని పుస్తకాల అమ్మకాలకంటే పాఠకులతో ముఖాముఖి, పరిచయాలు, ఇతర రచయిత్రులతో పరిచయాలు, పలకరింపులు. వెరసి ఫుల్ పిక్నిక్ చేసుకోబోతున్నాం.. ఇంకా చెప్పని విశేషాలు చాలా ఉన్నాయి..

ఇవాళ సాయంత్రం అంటే 17 డిసెంబర్  సాయంత్రం 5.30 గంటలకు తెలంగాణ రాష్ట్రపు విద్యాశాఖ మంత్రి జగదీశ్వరరెడ్డిగారు  28వ హైదరాబాద్ బుక్ ఫెయిర్ ని ప్రారంభిస్తున్నారు.

మా స్టాల్ కి ఇదిే మా ఆహ్వానం..
మా స్టాల్ నంబర్: 261.262

Saturday 13 December 2014

తెలంగాణ ఇంటివంటలు వెజ్, నాన్ వెజ్




ఎలాగైతేనేమి అనుకున్నది సాధించా...

ఏదైనా పని చేస్తే నాకు లాభంకంటే పదిమందికి ఎక్కువ ఉపయోగపడేదిగా ఉండాలని కోరుకుంటాను. అందుకే రాతల్లో కాస్త నిగ్గుదేరాక కథలు, కవితలు, వ్యాసాలు కాకుండా నాకు వచ్చిన వంటలనే అందునా నేను పుట్టి పెరిగిన తెలంగాణా ప్రాంతపు సంప్రదాయ ఇంటి వంటకాలను సేకరించి, అక్షరీకరించి నా పిల్లలను దృష్టిలో పెట్టుకుని ఇప్పటి తరానికి, రాబోయే తరానికి ఈ ప్రాంతపు రుచులను పరిచయం చేయాలని శ్రమపడి తెలంగాణ ఇంటివంటలను పుస్తకాలుగా అందిస్తున్నాను. జె.వి.పబ్లిషర్స్ మొదలెట్టిన తర్వాత జనవరిలో మొదటి పుస్తకంగా తెలంగాణ వంటలు వెజ్ పుస్తకం, ఇప్పుడు 20వ పుస్తకంగా నాన్ వెజ్ తయారవుతోంది. అంతే కాకుండా వెజ్ పుస్తకం రెంఢో ప్రింట్, మరిన్ని అందాలతో వస్తుంది.. ఈ రెండు పుస్తకాలు. డిసెంబర్ 17 నుండి ప్రారంభమయ్యే హైదరాబాదు పుస్తక ప్రదర్శనలో మా ప్రమదాక్షరి/ జె.వి.పబ్లిషర్స్ స్టాల్ లో ఆవిష్కరింపబడతాయి..


వెజ్ పుస్తకం పేజీలు : 296
ధర: రూ., 150
కవర్ డిజైన్: కృష్ణ అశోక్
ప్రింటర్స్ : ఆకృతి, చిక్కడపల్లి


నాన్ వెజ్ పుస్తకం: పేజీలు: 264
ధర: రూ. 150
కవర్ డిజైన్: కృష్ణ అశోక్
ప్రింటర్స్: ఆకృతి , చిక్కడపల్లి

పుస్తకప్రదర్శనలో జె.వి.పబ్లిషర్స్



శుభవార్త.... శుభవార్త.... ధమాకా... ధమాకా...
ప్రమదాక్షరి/J.V.Publishers సంయుక్తంగా నిర్వహించబోతున్న కార్యక్రమం..
ఈ నెల అంటే డిసెంబర్ 17 నుండి 26 వరకు హైదరాబాదులో జరగబోయే పుస్తకప్రదర్శనలో తెలుగు మహిళా రచయితలు , జె.వి.పబ్లిషర్స్ తరఫున ఒక డబల్ స్టాల్ ఏర్పాటు చేయాలని నిర్ణయించడమైంది. మొన్నే రిజిస్ట్రేషన్ కూడా అయిపోయింది. ఈ స్టాలులో రచయిత్రులు తమ పుస్తకాలను అమ్మకానికి పెట్టడమే కాక పాఠకులను పలకరిస్తారు కూడా.. నిర్వహణ కూడా మేమే కలిసి చేసుకుంటున్నాం..


హైదరాబాదు పుస్తక ప్రదర్శనలో ఎన్నో పుస్తకాలు మీకోసం. పుస్తకానికి మించిన బహుమతి ఏమున్నది. మీకు, మీ మిత్రులకు నచ్చిన పుస్తకాన్ని కొనండి. బహుమతిగా ఇవ్వండి..

మా స్టాలులో మీ అభిమాన రచయిత్రుల పుస్తకాలను తీసుకోవచ్చు. వీలైతే రచయిత్రితో ఓ పలకరింపు, ఓ ఫోటోగ్రాపు, ఓ ఆటోగ్రాఫు కూడాను...


  ఇక ఈ స్టాలులో పాల్గొనే రచయిత్రులు, రచయితలు:
1. మంధా భానుమతి
2. నండూరి సుందరీ నాగమణి
3. కొండవీటి సత్యవతి
4. కన్నెగంటి అనసూయ
5. శీలా సుభద్ర
6. అల్లూరి గౌరీ లక్ష్మి
7. సుశీలా సోమరాజు
8. కోసూరి ఉమాభారతి
9. పి.ఎస్.ఎమ్. లక్ష్మి
10. సమ్మెట ఉమాదేవి
11. ముచ్చర్ల రజనీ శకుంతల
12. కె.బి.లక్ష్మి
13. వేంపల్లి షరీఫ్
14. స్వాతీ శ్రీపాద
15. గంటి భానుమతి
16. జ్యోతి వలబోజు
17. అత్తలూరి విజయలక్ష్మి
18. సి.ఉమాదేవి
19. రామా చంద్రమౌళి
20. వారణాసి నాగలక్ష్మి
21. శారదా శ్రీనివాసన్

Saturday 6 December 2014

మాలిక పత్రిక డిసెంబర్ 2014 సంచిక విడుదల

మాలిక పత్రిక ఈ సంవత్సరపు ఆఖరు మాసపు సంచిక విడుదల అయింది. ఈ నెలలో తండ్రి కూతురు అంశం మీద వచ్చిన మరో అయిదు కథలు ప్రచురించబడ్డాయి. ఈ తండ్రి కూతురు అంశం మీద వచ్చిన కథలన్నీ ప్రింట్ పుస్తకంలా రూపుదిద్దుకుని త్వరలో విడుదలకు సిద్ధమవుతున్నాయి. పద్యమాలిక అనే గ్రూపులో నెలకు ఒకటి లేదా రెండు చిత్రాలను ఇచ్చి పద్యాలు రాయమని కోరిన తడవుగానే పద్యాల వెల్లువెత్తింది. వాటిని ఒకచోట చేర్చి ప్రతీనెల మాలిక పత్రికలో ప్రచురించడం జరుగుతుంది.

మీ రచనలు పంపవలసిన చిరునామా: editor@maalika.org

మీ ఆదరాభిమానాలకు నమస్సుమాంజలి పలుకుతూ ఈ మాసపు విశేష రచనలు మీకోసం:

 1. దుస్సల
 2. పద్యమాలిక - 2
 3. పద్యమాలిక - 1
 4. మాలిక పదచంద్రిక డిసెంబర్ 2014
 5. నువ్వు నేర్పిందే నాన్నా
 6. కథ కాని కథ
 7. నాన్నకు ఆసరా
 8. నాన్నా నన్ను మన్నించు 
 9. చినుకు
10. వంతెన
11. ఇసుక బట్టీలు - ఒక కల
12. మా నేపాల్ దర్శనం - ముక్తినాధ్
13. భారతీయ సంస్కృతిలో నైమిశారణ్యం
14. మాయానగరం - 10
15. తెలుగుపాటల్లో మంచి సాహిత్యం లేదా?
16. ఉగ్గుపాలతో
17. వాగుడుకాయ
18. ఆరాధ్య - 3

Blogger template 'YellowFlower' by Ourblogtemplates.com 2008