వీరులం... శూరులం..

 pic courtesy: Krishna Ashok

వీరులం... శూరులం..
ఎవరేమన్నా ఏమైనా చెక్కు చెదరని ధీరులం
అని విర్రవీగుతాం కాని ఇది నిజమేనా??
ఓ క్షణం గర్వం.. మరుక్షణం బలహీనం
ఒక్కోసారి సంతోషం.. మరోసారి దిగులు ..
ఇవి మనసు ఆడే ఆటలా? ఆ దేవుడి లీలలా?

తుఫానులను ఎదుర్కొన్న ధైర్యం
చిరుగాయానికే తల్లడిల్లి, కృంగిపోయి
చెల్లా చెదురై... అల్లకల్లోలమైపోగా..
అలసి సొలసిన మనసును సేదదీర్చేదెలా?
అక్కున జేర్చుకుని సాంత్వన నిచ్చేదెలా??

ఏమిటో ఈ మాయ??

కాలం చెప్పాల్సిన సమాధానాలకై
ప్రశ్నలు సంధించడమేగా మనసు చేయగలిగింది !!!!