Happy Birthday ... జన్మకు సార్ధకత

అసలు నాకంటూ ఏ గుర్తింపూ ఉంటుందనీ, నేను కూడా ఏదైనా చేయగలను అని కొన్నేళ్ల క్రితం అస్సలనుకోలేదు. కాని ఆ పైవాడి లీలలు మనకు అర్ధం కావు కదా. అంతర్జాల ప్రయాణం మొదలుపెట్టి పదకొండేళ్లు దాటిన సమయంలో నాకు లభించిన కొన్ని గుర్తింపులు, పురస్కారాలు, అభినందనలు నా పుట్టినరోజు సందర్భంగా బ్లాగు మిత్రులతో పంచుకుంటున్నాను. నన్ను జీరో స్థాయినుండి చూసింది మీరే  కదా.

ఇప్పుడైనా నా మాటకు అవునంటారా? ఈ అంతర్జాలం, తెలుగు బ్లాగుల ద్వారా నాకంటే ఎక్కువ ఉపయోగపడ్డవారు లేరని..

మీ ప్రేమాభిమానాలు ఎల్లప్పుడు నాకు తోడుగా ఉండాలని కోరుకుంటున్నాను.

శతపుస్తక ప్రచురణోత్సవం

అనుకోకుండా ప్రచురణా రంగంలోకి అడుగిడి నాలుగేళ్లు కావస్తోంది.  ఈనాడు జె.వి.పబ్లికేషన్స్ 100 వ పుస్తకావిష్కరణ సంబరాలు జరుపుకుంటోంది.

మాలిక పత్రిక నవంబర్ 2017 సంచిక విడుదల

Jyothivalaboju

Chief Editor and Content Head



ఈ మధ్యే కదా కొత్త సంవత్సరం వేడుకలు జరుపుకున్నాం. అప్పుడే సంవత్సరాంతానికి చేరువలో ఉన్నాం. కాలం ఎంత వేగంగా కదులుతుంది కదా. 
పాఠకులను అలరించడానికి మరిన్ని కథలు, సీరియళ్లు, కార్టూన్లతో మళ్లీ మీ ముందుకు వచ్చింది మాలిక పత్రిక. ఈ నెల నుండి ప్రముఖ రచయిత్రి మంథా భానుమతిగారి నవల "కలియుగ వామనుడు" సీరియల్ గా వస్తోంది. వినూత్నమైన ఈ రచన మీద మీ అభిప్రాయాలు మాకు తెలియజేస్తారు కదూ. కొత్త, పాత, చిన్న, పెద్ద అన్న తారతమ్యం ఎన్నడూ పాటించని మాలిక పత్రిక మీ రచనలను ఆహ్వానిస్తోంది.


మీ రచనలు పంపడానికి కొత్త చిరునామా: maalikapatrika@gmail.com

మరి ఈ మాసపు విశేషాల గురించి తెలుసుకుందామా..

 1. కార్టూన్లు
 2. కలియుగ వామనుడు
 3. మాయానగరం
 4. బ్రహ్మలిఖితం
 5. రెండో జీవితం
 6. గుర్తుకు రాని కథలు
 7. ముఖపుస్తక పరిచయం
 8. ట్రాన్స్ జెండర్
 9. దూరపు బంధువులు
10. యాక్సిడెంట్ నేర్పిన పాఠం
11. అన్నమయ్య ఆధ్యాత్మికానందలహరి
12. బుద్ధుడు - భౌద్ధమతం
13. ఉష
14. పునర్జన్మ
15. ఊహాసుందరి
 

మాలిక పత్రిక అక్టోబర్ 2017 సంచిక విడుదల

Jyothivalaboju

Chief Editor and Content Head



పాఠక, రచయిత మిత్రులందరికీ దీపావళి పండగ శుభాకాంక్షలు.

కాస్త ఆలస్యంగా ఈ మాసపు సంచిక విడుదలైంది. మాలిక తరఫున ఎందరో మహానుభావులు శీర్షికన ప్రముఖులతో ఇంటర్వ్యూ విశాలిపేరి చేస్తున్నారు.  అందులో భాగంగా ఈ మాసం పరిచయం అక్కరలేని గరికపాటి నరసింహారావుగారి ముఖాముఖి వీడియోరూపంలో మీకందిస్తున్నాము.
మిమ్మల్ని అలరించే, ఆనందపరిచే సీరియళ్లు, కథలు, సమీక్షలు, వ్యాసాలు ఎన్నో ఉన్నాయి..

మీ రచనలు పంపవలసిన చిరునామా: jyothivalaboju@gmail.com

01. ఎందరో మహానుభావులు - 2
02.  మాయానగరం - 40
03.  బ్రహ్మలిఖితం - 12
04.  రెండో జీవితం - 2
05. Gausips - ఎగిరే కెరటాలు - 15
06. కొత్త కథలు సమీక్ష
07. టీ కప్పులో తుపాను
08. హాయిగా
09.  పరాన్న భ్రుక్కు
10. పార్సీయులు
11. అన్నమయ్య ఆధ్యాత్మికానందలహరి - 20
12. దైవప్రీత్యర్ధం విధ్యుక్త ధర్మాచరణం
13.  భారతంలో చెప్పబడ్డ కలియుగ ధర్మాలు

11వ వార్షికోత్సవ శుభవేళ.. Happy Birthday "జ్యోతి" ....

అనగనగనగా .. అప్పుడెప్పుడో అని చెప్పడం మొదలెడితే అదో పెద్ద కథ లేదా నవల అవుతుంది.
ఇది సరదా లేదా సీరియస్ కథ కాదు. జీవితం. జీరోకంటే తక్కువ గుర్తింపు, టాలెంట్, నాలెడ్జ్ తో అంతర్జాలంలో అడుగుపెట్టాను. పిల్లలకోసం వచ్చినా పిల్లలతో, పిల్లల ఈడువాళ్లతో చదువూ సంధ్యా లేకున్నా సాంకేతికంగా ఎన్నో నేర్చుకున్నాను.. అంటే మరీ అంత అధ్వాన్నం కాదుగాని తెలుగు మాట్లాడ్డం, చదవడం, రాయడం వచ్చు. ఇంగ్లీషు కొంచెం కొంచెం మాట్లాడ్డం, చదవడం అవసరమైనంత రాయడం మాత్రం వచ్చు. పదిమందితో కలిసే గుణం మాత్రం లేదు. ఎందుకంటే నాలా, నాకు నచ్చినట్టుగా ఎవరుంటారో ఏమో అనుకుంటూ మౌనంగా ఓ మూల ఉండేదాన్ని. నాడు, నేడు కూడా పనికిరాని ముచ్చట్లు అస్సలే రావు.
ఈ నేర్చుకోవడమనే ఆకాంక్ష, శ్రమ, పట్టుదలతో ఒక్కో మెట్టు ఎక్కుతూ, ఎదుగుతూ నాకైన ఓ ప్రత్యేకత, గుర్తింపు సంపాదించుకున్నాను. అంతర్జాలంలో పరిచయమైనా ఆత్మీయులుగా మారిన మిత్రుల సహకారం అప్పుడూ, ఇప్పుడూ కూడా తోడుండగా నాకేల చింత??

కొత్తలో ఉత్సాహంగా, గర్వంగా అనిపించిన విజయాలు, ప్రశంసలు, గుర్తింపులు రాన్రానూ కాస్త భయం కలిగించసాగాయి. ఒక పెద్ద విజయం ముందు నిలబడి ఉంటే గతంలోని అవమానాలు, హద్దులు, భయాలు, పోరాటాలు నేనున్నా అంటున్నాయి. ఒక ప్రశంసా పత్రం కాని మొమెంటో నా చేతిలో ఉంటే ఒకప్పుడు నేను ఎలా ఉండేదాన్ని. ఎంత భయస్తురాలిగా, బలహీన మనస్కురాలిగా ఉండేదాన్ని అని దిగులుగా ఉంటుంది.... గతకాలపు చేదు జ్ఞాపకాలు, పోరాటాలే నేటి అవార్డులు, రివార్డులకు మూలం కదా. వాటిని మరిస్తే ఎలా??
గతంలోని ఫాఠాలను అనుక్షణం జ్ఞప్తికి తెచ్చుకుంటూ ఉంటేనే వర్తమానంలో మరింత ధైర్యంగా, పట్టుదలగా ముందుకు సాగగలము అనుకుంటున్నా..
నాకేమీ కాలేదండి బాబూ! బానే ఉన్నా. ఒక సంతోషకరమైన సంధర్భాన్ని కాస్త వెరయిటీగా గుర్తు చేసుకుంటున్నాను అంతే. అదే నా పునాది, నా మూలాన్ని.
11 ఏళ్ల క్రితం ఒక సాధారణ మహిళగా అంతర్జాలంలో బ్లాగు మొదలెట్టి ఇదిగో ఇప్పుడిలా ఉన్నాను.

Happy Birthday జ్యోతి 

నా బ్లాగు “ జ్యోతి” . నన్ను నేను పరిశీలించుకుని, విమర్శించుకుని, విశ్లేషించుకునేలా చేసి ఆ భావాలను అక్షరాలలో నిక్షిప్తం చేసుకునేలా చేసింది. ఎన్నో అందమైన భావాలకు నిలయమైంది. వివిధ సందర్భాలలో నా సంఘర్షణ, నా స్పందన అన్నీ తనలో దాచుకుంది. అప్పుడప్పుడు నాలోని వేదనకు, ప్రశ్నలకు చర్చావేదికగా మారింది.. నాకు నచ్చిన పాటలతో సరాగాలాడింది. అందుకే నిరంతరం నన్ను నేను నా బ్లాగులో చూసుకుంటూ ఉంటానన్నమాట. ఈ ఫేస్బుక్ మూలంగా బ్లాగును నిర్లక్ష్యం చేస్తున్నానని నాకు తెలుసు. వాట్ టు డూ..